يِمكِن الوضع الإقتصادي ما بيِسمَح إنٌو تِتزَيَّن مداخل وساحات وطرقات مدينة #زحلة ...
ويِمكِن الأحقية إنٌو تِنصرِف الأموال لَمساعدة المحتاجين بفترة #الأعياد_المجيدة ...
بس كتير حِلو يُشعُر سكان هالعروس البقاعية والجمهور الزِّحلاوي إنٌو عايِش #الميلاد بالرغم من الصعوبات المعيشية ...
الفِكرَة هَينِة ، وزحلة غَنيِّة برجال أعمال وسياسيين ، متمولين وقادرين ، وبِمَد اليَد لَمجلس #بلدية_زحلة ، وبِتَضحِية من #شركة_كهرباء_زحلة ، مُمكِن إنٌو يِلتِقوا عَإِختيار مَوقَع وَحيد ، يِتشَعشَع بِصَخَب العيد ويوَزِّع نورو عَكِل حَي وكل ساحة وطريق ، وكِل شجرة وكِل بَيت ، وكِل عَين حابة تِلمَع بزينة #العيد ، وكِل قَلب حابب يِخفُق بِنَبَض #الخلاص ...
والعَدرا 🙏 الحاميِة هالمدينة ، والحاضنِة الطٌفل تَيوَزعو خيرات تراب هالأرض مِن عِنَب ودوالي ، بتِستحِق تكون المُكَرَّمِة ...
#مقام_سيدة_زحلة_والبقاع
جتِمعو وتوَحَّدو وعمِلوه #برج_الميلاد بزينة تُبهُر العالم كِلٌو ، يضَوِّي كِل تلال زحلة ، ومَدى النور يوصَل عَوِسع السهل لبخيراتو غَني ...
جعَلوه #منارة_الميلاد ، يفوح مِنٌو #عطر_القداسة و #شعاع_الإيمان ...
وبعِز الشِّتي والبرد ، يصير مَصيَدِة لَكِل سايِح ومُغتَرِب ولِبناني ، يِجو يشوفو #زحلة_الحلوة ، يِتبارَكو ويقَدّرو #الفِكر_الزحلاوي
**بِتمَنَّا هالحِلم يِتحقَّق وصورة #سيدة_زحلة بالميلاد عالكَون كِلٌو تِتعَمَّم**