الاستقلال المقبل .

كل عيد استقلال واللبنانيية بألف خير .
انشالله الاستقلال المقبل بتكون وقفت العرقلة المفتعلة و التدخلات الخارجية وبيكون صار عنا حكومة جديدة و فاعلة .
انشالله الاستقلال المقبل بيكون صار الجيش اللبناني وحدو معو سلاح و وحدو بيدافع عن الحدود و عن استقلال لبنان و سيادتو.
انشالله الاستقلال المقبل بيكون عنا مياه وكهرباء ٢٤/٢٤ بكل لبنان متل بزحلة ومنخلص من الموتورات .
انشالله الاستقلال المقبل بيكونوا لموا كل الزبالة وسكروا الكسارات وصارت البيئة احسن والشجر وين ما كان .
انشالله الاستقلال المقبل منكون كلنا سوا ايد بأيد عم نكافح الفساد ونبني الدولة القوية .
انشالله الاستقلال المقبل منكون عايشين ببحبوحة ونهضة اقتصادية وبيكون صار عنا غاز ونفط ومياه.
انشالله الاستقلال المقبل بيصيروا ولادنا يلاقوا شغل بدل ما يهاجروا لأخر الدني ويحرقوا قلب اهلن .
   كل استقلال والوطن بخير وعقبال المية
                                                               طوني القسيس
                                                              مستشار قانوني