كان للمساجين حصة، من النشاطات المستمرة والمتتالية التي تقوم بها جمعية "وقت وبيت"

فبتاريخ ١٩/١١/٢٠١٨، قصدت الجمعية سجن زحلة للرجال بالتنسيق مع مكتب الإرشاد الرسولي التابع للسجن، وقامت بتوزيع بطانيات كخطوة أولية منها مع بداية فصل الشتاء.
قبيل عملية التوزيع، شارك أعضاء الجمعية بقداس إلهي مع المساجين داخل السجن، الذي أختتم بكلمة وجدانية ألقتها رئيسة الجمعية السيدة ميشلين عقيص، عبرت فيها عن الطبيعة البشرية، وكيف يولد البشر أجمعين أحراراً، مجردين من الشرور، إنما الحياة وقساوتها تبدل في النفوس، وتسوق أحياناً الى الإنحراف:
"بعرف انو المسجون هوي إنسان يمكن ظلمتو الحياة او الظروف
وبعرف انو ما في إنسان بيخلق والشر بداخلو
كرمال هيك نحن بجمعية وقت وبيت عم نحاول خلال هيدي الزيارة نعلن عن اهتمامنا بشؤون المسجون.
وبعرف انو التقدمة اللي عم نقدمها اليوم بسيطة ورمزية ولكن اكيد رح يكون الها تتمات بالمستقبل.
حبينا تكون الزيارة للسجن بمناسبة وطنية هيي عيد الاستقلال تنوصل رسالة الى كل المساجين انو الوطن محتاجنا كلنا والوطن بيحضنا كلنا، وانو الوطن ناطركن تيعطيكم فرصة تانية.
بشكر ادارة السجن على تعاونها وكل اللي ساعدو لانجاح هالزيارة
وكلنا مسؤولون كجماعة بطريقة أو بأخرى للتوعية والإرشاد، وعدم الحكم عشوائياً.
من منا بلا خطيئة، فليرجمهم بحجر ...
لنصل معاً لإنارة طريق أحدهم ولنمدّ لهم يد الأخوة. ولنضىء شمعة لمن لا خلاص له، ولنتحد تحت راية الإنسانية.."

في الختام، شكر القيِّمون على السجن من أمنيين ورجال دين الجمعية على مبادرتها الإنسانية.