كتب المرشح عن المقعد الاورثوذكسي على لائحة زحلة تنتفض، الدكتور عيد عازار عبر صفحته على فايسبوك  :
‏‎بعدما استعلمت اليوم انو السيد روني غصين هو رئيس قسم بالقوات اللبنانية بحي مار مخايل زحلة .
عندي سؤال برسم المسؤولين عنه الاصدقاء :
ميشال فتوش، الياس اسطفان وجورج عقيص
هل حزب القوات اللبنانية بزحلة ما بيعرف مين عيد عازار ؟
ما بيعرف وين كان عيد عازار بالتسعينات ؟ اول مظاهرة طلابية بال ٩٨ على البرلمان بعز القبضة الامنية السورية !……مظاهرات الاعتراض على التمديد لمجلس النواب ٢٠١٣، ازمة النفايات ٢٠١٥، انتخابات ٢٠١٨، ثورة ٢٠١٩ …
اذا الهدف استعمال رخيص للسوشيل ميديا من قبل حزب متل القوات مشكل
واذا جد ما بتعرف القوات اللبنانية قسم زحلة مين عيد عازار، مشكل اكبر

بما انو المناظرات حديث البلد,انا جاهز لمناظرة بالمباشر بأي وقت ومكان ،

واذا رفضتو المناظرة، خلو الحديت على السوشيل ميديا يكون الو وزن اكتر من هيك. بكفي استخفاف بعقول الناس.
سلام