كتب المرشح عن المقعد الأورثوذكسي ضمن لائحة زحلة تنتفض د. عيد عازار على صفحته على فايسبوك:

ليه لايحة من خمس اشخاص مش لايحة من سبعة؟ وليه سجلنها نهار الجمعة ١ نيسان، كم يوم قبل انتهاء المهلة

لأنه منفضّل نشكّل لايحة مرشحين ع قلب واحد منسجمين الى ابعد حد في الطرح والتطلعات، في المنطلق والهدف، مين ما نجح هيي ذاتها، على انه نفوت ببازارات الربع ساعة الاخير حتى بالاخر نركّب لايحة تكون منصّة لمرشحين لا يجمعهم الا مصلحة الوصول وحسابات الاصوات.

زحلة تنتفض ككيان مستقل واضح المعالم والخيارات هيي الخيار الطبيعي والتلقائي لكل من يريد تمثيل حر لزحلة. القصة ابعد من حسابات شخصية وانتخابية. بما يتعلق فيي، انا بكون مرتاح ومنسجم اكتر مع نفسي ومع الناس اذا بخوض معركة واضحة وشفافة على لائحة مين ما نجح منها بكون انا نجحت، افضل من اني اربح بكسور الحاصل على لايحة ما بتمثلني.

#انطلقنا